Foto : MINIERE DI GORNO  Minére de Al del Ris e Al Parina

[<   Precedente  74  75  76  77  78  79  80  Immagine successiva   >]

 Minére de Al del Ris e Al Parina
Minére de Al del Ris e Al ParinaPopolare
Inviato dafabrycjxAltre foto da fabrycjx   Ultima modifica28/2/2016 22:44    
Visite1128  Commenti0    0.00 (0 voti)0.00 (0 voti)
Minére de Al del Ris e Al Parina

Tèra de Al del Ris e Al Parina,

dai mucc che strassüa blènda e calamina.

Tèra de zét piö fórta de la préda

che i düsia spacà per guadagnà póca monéda.

Tèra de òmegn che per mangià i gh’ìa da baratà

la lüs dol sul per ü tochèl de pà.

En prensépe i spacàa la préda con massèta e scarpèi

perché de fèr i gh’ia nóma chèi.

I tiràa fò blènda e calamina

sémper sóta i pericoi de la mina.

L’éra ü laurà  comè èss en galera,

col perìcol de ciapà la prössiera,

la malatéa dol minör

che ‘l la cómpagna ‘nfina che l’ mör.

I galarée i sa ciamàa : Fortüna, Salvàdech, Malanòcc, Prödénsa,

a guadegnà chèl pà dür quata passénsia.

En minéra el lauràa a’ i fiölì

a portà ol mineràl col zerlì.

Söi piassài a sernì ol mineràl el gh’ éra i fómie poarine,

i éra ciamàde i taissine.

Lu’ i éra inamuràcc dol so laurà

perché l’éra ché, apröf a la sò cà.

Dal melanövsentotantadù i minére i s’è fermàde

i nòscc minadùr i ‘n n’à fàcc di löciàde

e la nòsta zét per mangià

i à düsit amò emigrà.

Ol nòst invis adèss l’è chèsto ché,

de rià prèst ol dé

che i nòste minére i pöde èss visitàde

e i éte di nòscc minadùr regordàde.

Evviva Santa Barbara, de töcc i minadùr

to sé la Santa che ga fa unùr.

Citazione:
Tratto dal libro “Tép de öna ölta e de’ ncö” di   Sergio Fezzoli

[<   Precedente  74  75  76  77  78  79  80  Immagine successiva   >]

I commenti sono di proprietà degli autori. Si declina ogni responsibilità sul loro contenuto.


Cerca in Valdelriso

La Valle del Riso

 

Link Utili

Plan what to see in Gorno with an itinerary including Ecomuseo Miniere